રાજસ્થાનની ભ્રષ્ટાચાર વિરોધી બ્યુરોએ લાંચ લેવાના આરોપમાં જયપુરથી એન્ફોર્સમેન્ટ ડિરેક્ટોરેટ અધિકારીની ધરપકડ કરી છે. આ અંગે કોંગ્રેસે ગુરુવારે (3 નવેમ્બર) બીજેપી પર મોટો હુમલો કર્યો હતો. છત્તીસગઢના મુખ્યમંત્રી ભૂપેશ બઘેલે કટાક્ષ કરતા કહ્યું કે આ લોકો દરોડાની આડમાં બીજેપીના સ્ટાર પ્રચારક તરીકે ફરી રહ્યા છે. એસીબીએ આ ધરપકડ એવા સમયે કરી છે જ્યારે તાજેતરમાં જ મુખ્યમંત્રી અશોક ગેહલોતના પુત્ર વૈભવ ગેહલોતને વિદેશી મુદ્રા ઉલ્લંઘન કેસમાં ED દ્વારા સમન્સ પાઠવવામાં આવ્યું હતું. તપાસ એજન્સીએ પ્રશ્ન પેપર લીક કેસ સાથે સંબંધિત મની લોન્ડરિંગ કેસમાં જયપુર અને સીકરમાં રાજસ્થાન કોંગ્રેસના અધ્યક્ષ ગોવિંદ સિંહ દોતાસરાના પરિસરમાં પણ દરોડા પાડ્યા હતા. દોતાસરાના પુત્રને પણ બોલાવવામાં આવ્યો છે. કોંગ્રેસે કહ્યું કે ACBએ ED અધિકારી નવલ કિશોર મીણા અને તેના સહયોગી બાબુલાલ મીણાની ધરપકડ કરી છે. તેઓ ED સંબંધિત એક કેસને છૂપાવવા માટે રૂ. 17 લાખની લાંચની માંગણી કરી રહ્યા હતા. જ્યારે ભુપેશ બઘેલે સોશિયલ મીડિયા X પર લખ્યું, “ઇડી અધિકારીની જયપુરમાં 15 લાખની લાંચ લેતા ધરપકડ કરવામાં આવી છે.” એટલા માટે હું વારંવાર કહી રહ્યો છું કે શેરીઓમાં ફરતા આ ED અધિકારીઓના વાહનોની તપાસ થવી જોઈએ. દરોડાની આડમાં, શું તેઓ કમળ છાપના સ્ટાર પ્રચારક બનીને ફરતા નથી ને? રાજસ્થાનના એન્ટી કરપ્શન બ્યુરોની ટીમે 15 લાખની લાંચ લેતા મણિપુરના ઇમ્ફાલમાં તૈનાત ED અધિકારી અને તેના સહયોગીની ધરપકડ કરી છે.આરોપી ચિટફંડ કેસમાં ધરપકડ ન કરવાના બદલામાં આરોપી પાસેથી 17 લાખ રૂપિયાની માંગ કરી રહ્યો હતો.
